liautiamding

昨昏去後甲斷層南段地理實查, 網友達無定會疑惑我是安怎定去一可有ㄝ無ㄝㄝ所在賴賴ㄙㄜˊ, 其實無啥緣故, 一句話, 就是免開錢。
後甲斷層是構成台南台地ㄝ主要成因, 是西部平原頂唯四ㄝ台地之一, 地形西緩東陡。 真濟(很多)人在懷疑伊ㄝ存在, 大部分懷疑論者ㄝ理論是: 彼是一個大沙崙。其實後甲斷層綿延十公里, 上懸三十公尺(開發後)還成一直線, 若是講這是一個沙崙, 抑無(不然)其他風較透台南ㄝ所在何會不當形成平大平直平懸ㄝ沙崙? 猶擱有, 在現在ㄝ西部海岸線猶未成形ㄝ時荷蘭時期, 台灣西岸有沙崙ㄝ所在攏離海岸線不會超過一公里, 這個台南台地已經離海五公里。
昨昏ㄝ主要目的地是德高國小東側斷層帶ㄝ上懸點, 白崙仔, 清風莊(日本人起ㄝ肺結核病院)南北邊。

德高小實查概況: 南側竟然變成清潔隊放糞掃車ㄝ所在, 這種國小是啥物情形安爾? 家長攏放恬恬喔?
  　　　　　　     東側懸點地形完好, 頂懸擱發草仔, 不過, 殘念ㄝ是: 小路中央有一隻過身ㄝ烏狗, 胡蠅攏來啊, 可憐可憐,  未記得念往生咒, 實在對不住。